هذه ليلة الحزب الوطنى ...بل أن هذا هو زمن الحزب الوطنى الذى يستعد لاقامة مؤتمره العام وسط اجواء يمر فيها المجتمع بمشاكل كبيرة ، وفى عز انتشار خطر انفلونزا الخنازير وانتشار حالة من الاستياء لدى المواطن المصري وفقدان أمل فى الأحزاب والحزب الوطنى بالذات .
.استهل عمرو أديب برنامجه القاهرة اليوم بالاشارة الى مقال اسامة سرايا فى جريدة االاهرام عن الحزب الوطنى وطالب فيه اعضاء الحزب الوطنى ان يحصدوا حب الوطن وتدركوا انكم تقودوه نحو الطريق الصحيح بالسياسات الواعية قال عمرو : اذا كان الامر كذلك وسرايا من المحررين الاقتصاديين الكبار، اذا كانت البلد فى وضع جيد والبلد ممكن تعبر مع الحزب الوطنى الكثير من المصاعب ، واذا كنا سنحصد الكثير فى السنوات القادمة ، ليه الناس عندها مشكلة مع الحزب الوطنى ؟ اسامة سرايا بيقول ان الحزب الوطنى يقود البلد بشكل رائع وتجاوز كل الازمات وآن لكم ان تحصدوا حب الوطن ...اللى يقرا كده يسأل ليه الناس بتشتكى من الحزب الوطنى بعدما عبر الازمة الاقتصادية وواخد باله من الفقراء ....الحزب عامل مؤتمره الجاى تحت عنوان "من اجلك انت" باعتبار ان كل المؤتمرات اللى فاتت كان لها اهداف اخرى ، لكن السنة دى من اجل المواطن .....ليه الناس مش مبسوطة من الحزب ؟ ليه مش بتقدر جهود الحزب ؟ يبدو ان فيه نكران للاعمال التى تقدم وكل الاشياء الجميلة التى لايراها الناس ؟ ليه كده ؟ ساعات الناس بتبقى مش عارفة ان وجود الحزب الوطنى شئء جميل ومش واخدين لبالهم من النعمة اللى هم فيها .....اضاف عمرو : جايز احنا مش واخدين لبالنا ...وطالب الجمهور بان يقولوا رأيهم عبر الهاتف فى الحزب الوطنى ** قال كمال من القاهرة : الكلام كتير أوى ولكن المواطن البسيط بلادخل ولايرى تعليم او صحة او مسكن ...انا مش شايف اى حاجة من الى بيقولوا عليها ....كل يوم الاسعار مولعة والمدارس بلاتعليم والسكن لايليق بالمواطن والقمامة التى لاتستطيع الدولة تنظيفها بينما تسعى لاقامة مشروع نووى ** قال محمد من الاسكندرية : الحمد لله الصحة على مايرام و12 مليون مواطن عندهم كبد وبائى ناهيك عن الفشل الكلوى والتعليم على اعلى مستوى ، وكلها انجازات لازم تحسب للحزب الوطنى اللى انجازاته خلت الشعب المصري اسعد شعب فى العالم .....احنا مش شايفين الا النصف الفاضي فى الكباية وسرايا كان بيتكلم عن شعب اليابان مش شعب مصر ** سامى – القاهرة : نفترض ان المواطن مش حاسس بالانجازات فما هوالمفروض ان الشعب يعمله وهو بيديه اصواته شاء أو أبي ** خالد – القاهرة : الموضوع فيه مشكلة عدالة توزيع ...ومفيش كباية اساسا علشان نشوف الجزء الفاضي او المليان ** شاهنده من القاهرة : اكبر انجازات الحزب الوطنى هى ترعة المنصورية اللى مش عارفين ينضفوها *8 أحمد – اسيوط – الناس فى الصعيد بتتعامل كمواطنين درجة ثالثة ، وانا عايز رئيس الوزراء ينزل الصعيد ويشوف الناس اللى مش لاقية تاكل ** مصطفى : من اهم انجازات الحزب الوطنى اننا بناكل اكل معمول بمياة الصرف الصحى وانجاز قرية البرادعة ، والاستاذ سرايا بيحافظ على مكانه علشان مايروحش
** ابراهيم – جدة : رغيف العيش لو اصبح آدمى يبقى الحزب الوطنى عمل انجاز حقيقي
قاطعه عمرو : هو فيه حاجة مضايقاك فى الرغيف؟؟
فيه ابو 50 قرش ممكن تشتريه
** بينما قال الفنان خالد سرحان معلقا على انجازات الحزب الوطنى : الضرائب تؤخذ مننا بشكل رهيب ....بيعملوا بيها ايه ؟ بيبنوا المحور ؟ هو ده بس الانجاز انا مش شايفاى انجازات بتتقدم للناس وانا لو مش معايا فلوس فى البلد دى هاموت ...
قاطعه عمرو : انت ازاى مش لامس التطور والانجازات اللى قال عليها اسامة سرايا ؟
- رد خالد سرحان : يمكن احنا واقفين بعيد شوية علشان كده مش شايفين ؟؟؟
انا اسف ان احنا النهاردة ماعندناش تامر حسني ولا عمرو دياب ولا هيفاء وهبى ولا حماقى ، وباستسسمح حضراتكم نعرض لكم فقرة غنائية مختلفة ...مايسمى بالموسيقي البديلة ...التى لاتركز على الهجر واللى انت عملته فيا وهاوريك وكل الاغانى الموجودة الان فى السوق ....
دايما اقول للناس اللى بتعمل الشرايط دى مفيش اغانى عن الناس ؟ يعنى الاغنية اما تكون عن اللى بحبه او باكرهه ؟ مفيش اغنية عن البشر أو عن بنى آدم مش عارف يتجوز أو بنى آدمم بيكون نفسه أو عايز ينط فى المياة علشان يروح ايطاليا ...النهارده معانا فرقة بساطة ...ونبيل لحود عازف العود ومايكل فؤاد عازف قانون وسمير كمال عازف تشيللو ومارى لحود عازفة جيتار ومطربة وايهاب عبد الواحد عازف جيتار ومطرب .......ولو الفرقة ماعجبتكوش انا هارجع لكم فلوس الحلقة ....عايزكم تجربوا تسمعوا حاجة مختلفة وناس بتقول كلام له علاقة بالحياة وبالبلد
* في تصريحات مثيرة.. عمرو موسى لا يستبعد ترشيح نفسه لرئاسة مصر .. اضغط هنا
المشاركات
ليست هناك تعليقات:
إرسال تعليق