الخميس، 22 أكتوبر 2009

عمرو أديب : "الشروق"بتزن على خراب عشها!!


رفع عمرو أديب سقف المحظورات فى برنامج "القاهرة اليوم " الليلة الماضية وأجرى استفتاء على الهواء حول ترشيح عمرو موسي رئيسا لمصر فى انتخابات 2011 . كانت جريدة الشروق نشرت حوار مع عمرو موسي وجاء أهم سؤال فيه حول ترشيحه لرئاسة الجمهورية وزى كل الناس اللى طرحت اسماؤهم هو بيفكر وبيشوف .وقال عمرو اديب بالبرنامج : " لغاية دلوقتى مفيش حد وقف قال أنا اوباما 2011 كلهم قالوا احتمال ووارد وهنفكر وهنشوف .واضاف أديب: اللى عجبنى فى حوار عمرو موسي انه قال كلمة بقالى كتير ماسمعتهاش ( مشروع نهضة ) وتكلم عن التنوير وقال ان مصر يجب ان تنفض الغبار عن نفسها وتنهضعايز اسأل الناس ايه رأيكم اذا عمرو موسي رشح نفسه ؟ هو ليس عضو فى حزب ولازم يبقى عضو الهيئة العليا فى اى حزب ومن كذا سنة ...احنا باقيلنا سنتين وعمرو موسي لو عايز يبقى رئيس مصر لازم يبدأ من دلوقتى ينضم الى حزب .....اظن ان جريدة "الشروق" بتزن على خراب عشها ، واظن ان الجريدة بعد شهر ولا شهرين هتحصل لها حاجة غريبة ...تحصل حريقة ولا الجورنال يحصل عليه ضرائب ، ولو الجرنال كمل كده وعمل حوارات تانى غير الى عملها مع البرادعى وعمرو موسي هتبقى النهاية مفاجئة تحدث د. جابر جاد استاذ القانون الدستورى رداً على سؤال عمرو اديب عن شروط الترشيح وقال : الترشيح كان قبل التعديلات الدستورية يعطى مجلس الشعب فقط حق ترشح رئيس الجمهورية وتطرح المسألة للاستفتاءومازالت المجالس المنتخبة هى اللاعب الاساسي والشروط ان يكون من ابوين مصريين وان يكون اكثر من 40 سنة وقت الانتخاب ...والمادة 76 تحدد اجراءات وشروط الترشيح وحددت ان يتم تزكية المرشح من اعضاء مجلس الشعب والشورى والمجالس الشعبية المنتخبة فى المحافظات ...ولكن التعديل الدستورى الاول اضاف رؤساء الاحزاب او احد اعضاء هيئتها الأول وعنما تم تعديل المادة نص على الاستثناء مرة أخرى ، لهذا فإن اهم شرط ان يكون رئيس حزب اوهيئة عليا ويكون مر عليه سنة علق عمرو : هكذا من حق السيد عمرو موسي والبرادعى وشخصيات كثيرة جداً بشرط انهم ينضموا الى هيئة عليا فى اى حزب ** اتصلت المشاهدة هايدى واكدت انها سترشح عمرو موسي لو ترشح امام اى شخص ** سهير من القاهرة : يليق به ان يتولى رئاسة الجمهورية لولا السن فقط ويفضل ان يكون المرشح تحت الخمسين ** صلاح من القاهرة : عمرو موسي راجل محترم وهو فى الاولوية الا اذا ترشح احد افضل**عبد الرافع من المحلة : اللى يرشح نفسه قدام الرئيس مبارك فلازم يحاكم بتهمة الغباء السياسي واذا كان شخصية عامة يبقى متهم بقلة الاصل ..لأن الرئيس مبارك سخر نفسه لخدمة البلد من 50 سنة ، وهو لما بيلاقى غلط بيتدخل ويحل ؟؟؟؟؟** سعيد – القاهرة : عمرو موسي قعد اكثر من 10 سنين كأمين عام للجامعة العربية ولم يفعل اى شئ ولم ينجح كأمين للجامعة ازاى ينجح كرئيس ؟؟؟**سحر – القاهرة : عمرو موسي لاغبار عليه ولو هاعمل بطاقة انتخابية هيبقى علشان انتخب عمرو موسي ** أحمد – البحيرة : كنت سمعت مناظرة لعمرو موسي مع شلوموبن عامى وكانت قوية جداً ، لكن مهما كان فان كرسي الرئاسة يحتاج الى شخصية قوية ومعينة وكل صفاتها لا تتوافر فى عمرو موسي بالكامل ...تعالى نشوف موقف الرئيس مبارك ..ازاى بيعمل توازن بين السياسة الداخلية والخارجية وده محتاج الى وقت كبير وخبرة ..ولو الريس قرر انه لايخوض الانتخابات القادمة يبقى الاصلح هو جمال مبارك ، فهو الاقدر على الحكم .


البشاير

ليست هناك تعليقات:

إرسال تعليق