حازم امام و خالد الغندور .. أنا و اللي بحبه

عاد الصديقان من رحلة طويلة كانت تملأها المخاطر و الصعاب ايام من السعادة و نشوة الانتصار و ايام من الحزن و الهزيمة ... الثقة فيما بينهم لا جدال فيها كلاهما يرى فى الاخر شقيق قبل الصديق ... و مع قرارهم باعتزال المعارك تحول الاثنان فى يوم و ليلة من رفقه الدرب الواحد الى الند بالند ...
هكذا وصفت غادة عادل ضيفيها حازم امام وخالد الغندور في برنامجها انا واللي بحبه وفي البداية باركت لحازم امام عضوية مجلس ادارة وفوزه في انتخابات نادي الزمالك وحصوله على اعلى نسبة من الاصوات فقال " الحمد لله دي اول تجربة ليا و لازم اعمل بيها و اخلى ال 4 سنين تمر و الناس تحس فعلا انها لم نتدم انها اعطت صوتها لحازم امام "
ثم وجهت لضيفيها عدة اسئلة كان اولها " لو كنتوا فى جزيرة ايه اهم 3 حاجات يأخذها كل واحد معه ؟ " فقال حازم امام " القرآن والكرة وكتاب (البحث عن الذات للرئيس انور السادات ) وخالد الغندور قال " اخذ اولادى ال3 سيف و يوسف و نور "...
ثم تحدثت مع حازم امام عن سفره لايطاليا و هولندا و الفترة اللى عاشها هناك 4 سنين من لما كان عمره 19 سنة و قال " انى كنت حاسس بغربة ووحدة وكنت اجيب القنوات المصرية لمده سنة و نص لما بدأت اتعود و اتعلم اللغة و اتكلم مع الناس و اتعودت خلاص "
وتحدثت مع خالد الغندور عن حازم امام فحكي وقال " ان حازم امام كان بيلعب في نادي الصيد تحت سن 12 سنة وانا كنت بلعب في نادي الزمالك تحت 17 سنة وحصل مرة ان نادي الصيد لاعب نادي الزمالك في نادي الزمالك فشفت الماتش وقالولي ان الولد دة ابن كابتن حماده امام وبعد شويه لقيته بيتخانق مع الحكم ويقوله انت متعرف شانا ابن مين قلت بقى الولد ده لما يكبر هيبقى مفتري بس طلع لا يعترض على الحكم اي اعتراض دلوقتي "
كما حكى خالد الغندور عن اول ماتش لعبه حازم امام معه وضيع كرة وكان ماتش في الدورى المحلى و المدرب اتخانق معه و قال له انت خسرتنا فقرر انه ميلعبش تانى لكن خالد الغندور شجعه و قال له " لا انت كويس و بتبقى كويس فى التدريب " وصمم انه يخليه يكمل لعب و بعدها سافر حازم لايطاليا ورجع يلعب كويس .
سالت غادة حازم امام " انت لما كنت صغير طلعت في برنامج مع احمد سمير وقلت انا نفسي ابقى زي بابا " فقال " ايوة فعلا كان نفسي بس مكنتش اتوقع اني العب في نادي الزمالك كنت حاسس دائما ان قدراتي اقل من اللعب في النادي دة وان اخري العب في الصيد او الجزيرة "وفي ثاني فقرات البرنامج تحدثوا عن تجربتهم الآن كمذيعين للبرامج الرياضية وسألتهم غادة هل ممكن ينقدوا زمايلهم على الهواء اجاب خالد الغندور " ان دلوقتي الناس فاهمين كويس اوي و عارفين مين اللي لعب كويس ومين اللي غلط فمينفعش نجامل بعض " ثم شاهدوا لقطات من مباريات لهم وتحدثوا عن اولادهم وقالت غادة ان ابنها بيحب الكرة جدا وعايز يطلع لعيب كرة وخالد الغندور قال العكس ان ابنه سيف عايز يطلع ممثل ...