وقف هو في كواليس المسرح يرتقب الصالة في قلق وانتظار بينما قد امتلأت على اخرها وفجأة انكشف الستار من امام الجمهور وسطعت اضواء الكشافات لكي تكشف عن نجمات صغيرات يرقصن ويغنين ويمثلن امام الملايين دون لحظة خوف او تردد بينما هو يقف متردداً لظهورهن ابتسم في سعادة مصفقاً ثم التفت ليبتعد في هدوء عن المسرح والتقى بكل من يهنأه من الصحفيين ليسأله عن اسمه فيجيب .. ابو البنات ...هكذا وصفت غادة إحساس احمد زاهر عندما مثلت بناته الاثنين مع تامر حسني في عمر وسلمى وفي البداية رحبت غادة بأحمد زاهر وبناته ملك و ليلى في برنامجها انا واللي بحبه على نايل لايف الذي امتلأت حلقته هذه المرة بالضحك والغناء والهزار مع بنات احمد زاهر .
وبدأت حديثها مع أحمد عن فتره غيابه فقال انه كان قد اصيب بفيروس في الغدة الدرقية جعله يزن 170 كيلو لانه لم يكتشف المرض سريعاً وعندما اكتشفه عولج منه وبدأ ينزل في الوزن 75 كيلو ولسه ناوي ينزل كمان 20 كيلو ثم سألته عن احساسه في هذه الفترة ثم استقبال الجمهور له بعد ذلك فقال " انا كنت تعبان نفسيا جداً لان بسبب زيادة الوزن الناس لم تكن تعرفني بس الحمد لله ده كان ابتلاء وعدى ولما رجعت بفيلم كابتن هيما كان استقبال الناس كويس وكانوا فرحانين وبيقولوا لي حمد الله على السلامة " ....
ثم تحدثت معه عن بناته ملك وليلى وخوضهم تجربة التمثيل فقال " انا كنت مش شايف فيهم موهبة التمثيل وطول عمري ضد مسألة ان ابن الفنان يمثل ويقال ده طلع عشان ابوه والموضوع كله جاء صدفة باقتراح من تامر حسني لانه صديقي جداً وصديق البنات وهما بيحبوه اوي فقال انا عايزهم معي في فيلم كابتن هيما قلت لأ دول ممكن يكسفوني لكن هو صمم وعملوا مشهد واحد بس ...
والناس فرحت بيهم وبعد كده قال تامر دول هيبقوا ابطال عمر وسلمى الجزء الثاني " قالت ملك " لما بابا وافق على الفيلم انا وافقت على طول " فسألتها غادة " مين اللي بيقرأ السيناريو ؟ " قالت " بابا بيقراه وانا بمثل معاه " وعن خوفهم من الكاميرات وجو التصوير قالت ملك " احنا كنا خايفين الاول بس في كابتن هيما لكن بعديها تامر كان بيلعبنا قبل ما نمثل "قال احمد زاهر " انا كنت خايف جداً من رد فعل الناس عنهم لحد ما قرأت مقال نقد عن كل افلام الصيف وفى آخره مكتوب لوحة شرف واول اسماء فيها كانوا ملك وليلى عن ادائهم في فيلم عمر وسلمى فحسيت اني فخور بيهم جداً " ثم تحدثت غادة مع احمد عن اخر اعماله فقال انه يعرض له الآن مسلسل ( احلام نبيلة ) مع النجمة هالة صدقي من تأليف احمد عوض واخراج رائد لبيب وهيعمل مسلسل تانى مع نفس شركة الانتاج لكن لم يحدد اسمه .
فسألت البنات عن اعمال احمد قالت ملك انها تحب مسلسل الحقيقة والسراب وليلى تحب فيلم بلية ودماغه العالية مع غادة عادل .
وفي ثاني فقرات البرنامج على السفرة شاهدوا مشاهد لملك وليلى من كابتن هيما وعمر وسلمى وتحدثت مع البنات عن احلامهم قالت ملك انها عايزة تطلع دكتوره وليلى قالت اطلع ممثلة ... فطلبت منها ان تغني فغنت اغنية لتامر حسني . وفي ثالث فقرات البرنامج طلبت منهم غادة يقولوا رسالة لبعض قال احمد لبناته " ربنا يخليكوا لي " وملك قالت " ربنا يخليك لي يا بابا وتطلع احسن ممثل في الدنيا " اما ليلى "يا رب اطلع ممثلة شاطرة زيك يا بابا " ......
المشاركات
ليست هناك تعليقات:
إرسال تعليق