الجمعة، 5 فبراير 2010

عمرو أديب : أزمة البوتجاز فضيحة للحكومة


أزمة المواطن فى الحصول على انبوبة الغاز
اعتبره عمرو أديب فى برنامج القاهرة اليوم فضيحة للحكومة خاصة فى تبريرات الحكومة وتصريحاتها بشان ازمة انابيب البوتجاز وطوابيرها قال أديب :المفروض الدولة بتيع انبوبة البوتجاز مافيا انابيب البوتجاز اللى هى اقوى من مافيا السلاح بتبيعها من عشرين الى ثلاثين جنية والسؤال المهم ليه الدولة للعام ال15 على التوالى مش عارفة توفر انابيب البوتجاز فى الشتا يعنى ايه انت دولة ومش عارف توفر لى انبوبة يعنى ايه فى حكومة وانبوبة البوتجاز مش متاحة ولو كان المجتمع السويسرى مثلا نزلوا فى يوم ومفيش انابيب تفتكروا هيعملوا ايه فى الحكومة .إستكمل أديب :ولكن ما سيجعلكم تنقلبوا ضاحكين عندما تسمعون رد المسئولين الذين دائما كل مشاكلها واى حاجة غلط بسبب المواطن وسوء إستخدامه وممكن نتوقع بكرة اعلانات تنصحنا ازاى نوفر فى الانبوبة واحسبها صح تلاقيها صح .قرأ أديب بعض هذه التصريحات قائلا صرح أحد المسئولين بوزارة التضامن الاجتماعى قال فى اجتماع لاحدى لجان مجلس الشعب ان ازمة الانابيب ترجع الى سوء استخام الانبوبة نظرا لسوء سعرها شايفين التلميح .وطالب وكيل اول الوزارة بضرورة رفع اسعار الانبوبة لكى يستخدمها المواطن بشكل صحيح واصبح المواطن يعتمد كليا على انبوبة البوتجاز بعد ان كنا نعتمد على البوص فى طهى الطعام اضافة الى الافراط فى استخدام السخان وترك شعلة السخان طول الوقت مما يهدر 10 % من الانبوبة واستخدامها ايضا فى التدفئة ..وأضاف المسئول ان الطهى يستغرق فى فصل الشتاء اكتر من الصيف واستخدام سيدة المنزل للبوتجاز فى صنع العيش وهنا مفارقة الحكومة هكذا قال أديب يعنى المواطن لما تيجى أزمة العيش تقول اصل ست البيت بطلت تخبز عيش ولما نتكلم عن الانابيب تقول السبب انها بتخبز فى البيت .أضاف أديب :رفض نواب مجلس الشعب اى كلام عن زيادة سعر انبوبة الغاز .
البشاير

هناك تعليق واحد:

  1. هل تعرف ياسيدى ان سعر انبوبة البوتاجازفى شركة الغازات البترولية بمسطرد اليوم الموافق 5/2/2010 ب 10 جنية انا لسة جى من هناك ومغير انبوبة يعنى لما البياع السريح يبعها 30و40 جنية يبقى عندة حق لان هو طبعا مش هيخدها بنفس السعر الى انا واخد بية هيدهالو اغلى اخوك سامح عزوز القاهرة

    ردحذف