مواجهة من نوع جديد تدور الآن بين رئيس الوزراء د. أحمد نظيف والاعلامى الكبير عمرو أديب خلال المؤتمر السادس للحزب الوطنى خاصة فيما يتعلق بالانجازات التى ذكرها وبينما كان د. نظيف يتباهى بحجم الاستثمارات التى وصلت الى 200 مليون جنيه ويقول بثقة أن هذه الانجازات "شفتوها فى كلامى وكلام زملائى وحاسين بيها رد عمرو : يعنى إيه ؟ اذا كان الحزب مكتفى بذاته ... ليس فيه سوي الخلايا الأحادية ، تتكاثر فى داخلها وتعيش ومش محتاجة حد براها ... أنا حسيت النهارده انهم بيقولوا كلام لبعض وكلهم سعداء مع بعض بالكلام ده ...
يعنى البلد هى القاعة دى- عاد د. نظيف ليتباهى : عارفين ان المواطن العادى البعيد عن السياسة والاقتصاد شعر بتداعيات الازمة زى مواطنين كثيرين ولم يحدث استغناء عن العمالة ...حدث تباطؤ فى النمو لكننا ننمو ، وهذا بمقاييس العالم انجاز كبير ...
ده اللى احنا فيه ...
** يرد عمرو : بيقول لك الازمة المالية عدت على مصر من غير ما تؤثر فيها ، هى مصر كان مالها ومال الموضوع ؟ انت مالكش علاقة بالازمة المالية ...ده انت لغاية دلوقتى ماعندكش تمويل عقارى والبلد دى لاتعطى قروض ..انت كنت بعيد ....- ويكمل نظيف : اقتصادنا اصبح قادر على ان يتلقى الصدمات وحجمه عدى الالف مليار جنيه ..
ماكناش نعرف الترليون قبل كده واستطاع يرجع القيمة للجنيه المصري وعندنا تركم فى الاحتياطيات الاجنبية ..ماعندناش مشكلة ان تحصل ازمة فتهرب النقود للخارج ...حد يصدق ان السنة اللى فاتت دى اكثر من 10 مليار دولار خرجت ومحدش حس بحاجة !!!الاقتصاد وفر 3.4مليون فرصة عمل ، وساعد على ان تجيلنا موارد اضافية فوق ال70 مليار جنيه ...العجلة دارت وهتستمر فى الدوران بجهدنا جميعا ....الاقتصاد ده تعرض لصدمتين واستطاع ان يحمى المواطن ...صدمة ارتفاع الاسعار والتى استطعنا امتصاصها ومن خلال عدد من البرامج حسنا قدرة المواطن على تحمل الغلاء ....زودنا بطاقات التموين الى 20 مليون وزودنا الكميات ...لما اقتصادنا ينمو ويخللى دخل المواطن يزيد ...دخل المواطن اللى اتعدى النهارده 10 الاف جنيه ***وياتى الرد من عمرو بسخرية وذكاء شديد ...: يتحدث الحزب دائما عن كميات وليس كيفيات ..يقول لك بنينا الف مدرسة جديدة ...شكلها ايه من جوه ؟ يتحدث عن معاشات ..طيب المعاشات دى الناس بتاخدها ؟ اويقول لك 20 مليون انضموا لبطاقات التموين ..انت شفت اكل التموين ده عامل ازاى ؟ بتطلع كل يوم 30 مليون رغيف طيب هل ينفع يتاكل ؟ المستشفيات اللى بتتكلموا عليها دى العلاج فيها عامل ازاى ؟ المياة الى واصلة للقرى نظيفة .؟ الف مصنع طيب المصانع دى اشتغلت ؟انظر لما هو خلف الارقام وتغلغل جوه الانجاز نفسه شوف عامل ازاى ..!!امبارح سمعنا نموذج مستشفى الحميات الحائط الاول لانفلونزا الخنازير وعارفين مايحدث فيها ...لازم الحزب يركز على الكواليتى ..حد يقول لك زيت وأكل التموين عامل ازاى ...السحابة السودة اللى موجودة دى ليه الحزب لم يتحدث عنها فى مؤتمراته او بياناته ؟
اقر أيضا :
* أحمد عز على «خشبة الوطنى».. حركات .. أناقة.. و«جمال مفجّر ثورة التحديث» .. اضغط هنا
* عمرو ديب ساخرا : أنا عايز أدخل الحزب الوطنى .. اضغط هنا
* عمرو أديب : "الشروق"بتزن على خراب عشها!! ..
البشاير
المشاركات
ليست هناك تعليقات:
إرسال تعليق