كان تعليق عمرو أديب على خطاب أحمد عز كما هو متوقع ...ساخراً وحاداً خاصة وأن عز توقع فى كلمته أن يهاجم بالليل من برامج التوك شو ...
قال عمرو فى البداية : لاحظت حاجة ولازم أقف عندها ...فى المؤتمر من نبرة كلام المهنس أحمد عز ونبرة كلام السيد صفوت الشريف انهم مش طايقين خلاص وبيقولوا هنعمل لكم ايه ...مضايقنى ان صدرهم قد ضاق وفيه جملة اتكررت فى المؤتمر كل شوية ...ما احنا كويسين اهه ...من اجلك انت ...
انتوا مش واخدين لبالكم ولا ايه ؟ اهم فكرة اننا زهقنا بأه ...كل يوم هتقعدوا تقرفونا ؟؟؟؟ايه لازمة كل الدوشة دى ؟
قولوا لنا مش عايزين اعلام خالص واذا كان الحزب مكتفى بذاته ومش محتاج الى احد من بره ...انا حسيت انهم بيقولوا الكلام لبعض والبلد هى القاعة دى ...كلهم بيتكلموا بقناعة تصل الى حد التصديق أن الاوضاع افضل والناس عايشة افضل ...الأكادة ...اى حد عايز يعمل حزب فى مصر يروح لأحمد عز ...ده حافظ اسماء الناس اللى فى وحدات بعيدة ...هو اخصائى الاحزاب فى مصر ويبدو ان النبرة فى الحزب الوطنى تمهيد لهجوم نيرانى لكل شئ هيحصل فى اليومين اللى جايين .
.لو ضقتوا بالبرامج الحوارية قولولنا نمشى وشوفوا هتجيبوا شرعيتكم منين ....شرعية اى نظام من المعارضة الريس النهاره بيقول هنحط 10 مليار فى الصرف الصحى ...لسه فيه مشروعات فى الصرف الصحى محتاجة 10 مليار ...لسه الدولة تنمو وبيتكلم عن التعليم والراجل عنده احساس بالمسئولية ...
لسه عندك اانفجار سكانى وبتخلف ومعندهاش وعى ...فى القرن ال21 لسه واحد بيروح لرئيس الجمهورية بيقول له عايز بيت ...ولما ما بنتعالجش ومش ساكنين وما بنتعلمش أمال انتوا مرتاحين ليه ؟ ؟؟؟
ادونا اجازة سنتين لغاية ماتخلصوا واعملوا كل اللى انتوا عايزينهميزانية الحزب 60 مليون جنيه ...طيب الفلوس دى كلها جاية منين ؟ صفوت الشريف بيقول ان اغلبها من تبرعات رجال الاعمال ؟ 50 مليون جنيه ؟ رجال الاعمال دول عايزين ايه من التبرعات دى ؟
من احسن الخطابات اللى قالها احمد عز النهارده وانا خوفى انهم مقتنعين باللي بيقولوه ده ، هو مقتنع تماما ان البد احسن واحنا محتاجين ندفع فلوس علشان المجارى اذا كانت الامور بتتحسن ..أمال الناس متضايقة ليه ؟ ؟ انا قلت لنفسي انت ليه برة الحزب ؟أنا عايز ادخل الحزب الوطنى ... ده كل الناس لقتيتها هناك فى المؤتمر ...فيه ناس من اللى هم صوتهم عالى واعضاء فى الحزب ...مكن لو انا جوه كانت حياتى هتبقى افضل كتير مين حزب الوفد ولا حزب التجمع ...احنا ال10 او 20 سنة اللى جاية وشنا فى وشه ...فيه كام عضو معارضة جوه المجلس ؟ أحمد عز النهادره قال اننا غلطنا فى 2005 وواخدين 75% من المجلس امال كنت عايز تاخد ايه ؟ ودى ديمقراطية ايه ؟ اعضاء الحزب الوطنى مش مكفيينه السيد صفوت الشريف قالها النهارده كده ...ولتأخذ أحزاب الاقلية النسبة التى تناسب ضعفها ... احنا عايزين نروح الحزب الوطنى ونصلح من خلاله ...هو حزب واحد وبلاش نصدع نفسنا بكلام عن المعارضة ....دى صورة انا شفت النهارده البلد والحكم ....حزب قوى فعلاً ...حزب غنى
اقرأ أيضا :
* مجدى الجلاد لـ أحمد عز : إنت مابتفهمش فى السياسة .. اضغط هنا
البشاير
المشاركات
ليست هناك تعليقات:
إرسال تعليق