إبراهيم حسن يشن هجوماً حاداً على علاء صادق ويؤكد:"نفسي اعرف هو دكتور في ايه؟"-"وهو نسي عندما كان يجرى خلفى"
أجرى برنامج 90 دقيقة مواجهة ساخنة بين ابراهيم حسن مسئول الكرة بنادي الزمالك والاعلامي المعروف د.علاء صادق .. تضمنت المواجهة شتائم وتهديدات ووصلة ردح من الجانبين ....في البداية سأل الاعلامي معتز الدمرداش الكابتن ابراهيم حسن:هل صحيح ان الزمالك سيقاضي د. علاء صادق بسبب ما أثاره أمس عن أزمة اللاعب جدو مع نادي الزمالك ؟ابراهيم حسن: نعم النادي سوف يتخذ كافة الاجراءات ضد علاء صادق لأنه اتهم الزمالك بالنصب ةالتزوير والقرصنة .. نادي الزمالك كبير وما ينفعشي حد يتكلم عنه كدة .. وبعدين جدو وقع للزمالك بكامل ارادته ..إحنا ما شربناهوش حاجة صفرا ...وبعدين نفسي أفهم الاخ علاء صادق دكتور في ايه بالضبط .. بيقولوا دكتور اطفال .. يعني ماله ومال الكورة ..ورد د. علاء صادق : عايز أعرف ايه صفة ابراهيم حسن في الزمالك بالضبط .. ابراهيم حسن مالوش دعوة بالزمالك .. اسأله يامعتز عن صفته الأول ؟ابراهيم حسن: انا ابراهيم حسن اللي كنت بتجري وراه علشان تاخد منه حديث ..انا المتحدث الرسمي باسم الزمالك بقرار من مجلس الادارة ومسئول الكورة بالنادي ...صادق: ابراهيم حسن موقوف دوليا لأنه ضرب حكم في مباراة مع الجزائر وما ينفعشي يشتغل لأنه موقوف خمس سنوات ...ابراهيم: ده شرف .. كنت بآخد حق مصر من الجزائر..صادق : انا قلت ان موضوع جدو مع الزمالك نصب وتزوير .. وما قلتش قرصنة .. وده كان في سياق الكلام مع جدو لأنني سألت جدو انت وقعت للزمالك يوم 1 يناير فقال لأ انا وقعت يوم 25/12 وانا قلت ده كدة تزوير ...وبعدين سألته : ياجدو انت أخذت ربع مليون جنيه من الزمالك فقال ولا مليم وانا قلت ده يبقى نصب .. يعني في سياق الكلام وتأسيسا على كلام جدو ...ابراهيم : جدو قبض ومش ربع مليون بس ده ملايين وموثقة وكله سيتم تقديمه لاتحاد الكورة في الوقت المناسب .
اخبارك
المشاركات
ليست هناك تعليقات:
إرسال تعليق