مصطفى كامل: فضلت هيفا عشان فلوسها اكتر !!

الاسم ؟ مصطفى كامل السيد حالتك الاجتماعية ؟ متزوج وعندى 3 اولاد عنوان السكن ؟ 90 شارع الهرم . العمل الحالي ؟ شاغر غنائي ومطرب انت مطرب ومؤلف وملحن فى مثل انجليزي بيقول لما تعمل اكتر من حاجة لا تتميز في اى حاجة ؟ انا لا اصدق الانجليز ولا احب طباعهم . في بلاغ يتهمك انك كشاعر انتهيت ... فما اقوالك ؟ انا اللي تركت التاليف لاني حبيت ان اكون مطرب وكان لازم اعطي للغناء حقه حتى انجح فيه والحمد لله وصلت لدرجة من النجاح لم اكن اتخيلها . ايه اللي غلاك تغني ؟ طول عمري لما كان المطربين ياخذوا منى الاغاني كنت بتابع الحركة الفنية في الاستوديو لكل المطربين فقالوا ان صوتي حلو فعرضوا على ان اغني ... فغنيت انت بتحب الشهرة ؟ كنت بموت في الشهرة لكن دلوقتى حاسس انها بتقيد الانسان .. انت قولت من سنتين انك بتحضر البوم عمرو دياب الجديد ؟ لا وانا مش بكذب والبومات محمد فؤاد عملت فيها اغاني ؟ انا اخر حاجة ليا كانت اغنية رجع شريط حياتك من 7 سنين بس ليه بتعمل لمادلين مطر وهيفاء وهبي ... وسايب عمرو دياب ومحمد فؤاد ؟ انا بحب عمرو جدا بس انا كنت بركز في نفسي كمطرب . طب ليه بتعمل لهيفاء وعمرو لأ ؟ فلوس لبنان اكتر يعنى انت بتحب الفلوس ؟ عشان اصرفها يعنى انك تعمل اغنية لهيفاء افضل عندك من عمرو دياب ومحمد فؤاد؟ لا عمرو دياب اخوي وصحبي . يبقى المشكلة عندك مع محمد فؤاد ؟ ايوة زعلت منه عشان فيه اغنية اسمها خدني الحنين كلماتى انا ونزل عليها اسم ايمن بهجت قمر وعشان كدة مش هتعامل مع محمد فؤاد تانى . ولماذا لم تلجأ للقانون ؟ انا فعلا معي التنازل عن الاغنية اللي انا عملته لمحمد فؤاد وقتها وناس كتير قالولي ارفع قضية لكن انا لم اوافق يعنى انت بتتهاون في حقك ؟ لا انا معملش كدة لاني بصون العشرة وحقي هخده في الاخرة . انت شايف ان الصحافة مطهداك ؟ عشان انا بعيد انت متهم ان كلماتك واحدة وفي نفس الموضوع ؟ لا ازاى ولو دة حقيقي مكنتش نجحت . بس انت كل اغانيك اما حزن او مقسوم ؟ لا انا عملت اغنية اسمها اقوى من الايام رجعت ناس للدنيا ايه اكتر لقب طلع عليك وحبيته ؟ امير العذاب ..يعني اغانيك اللي فيها مقسوم لم تنجح ؟ لا اغاني زي انا والنعمة دي وابوسك حبيبي نجحوا اكتر ... في بلاغ مقدم ضدك انك مطرب ميكروباص ؟ يسعدنى جدا ودة شئ يشرفني انا ليا اي حد بيسمعني حتى لو بوابين . ان يبقى مستمعينك سواقين ميكروباص دة معناه اعلامياً انك مطرب درجة تانية ؟ لا ... هو انا بغني في الشارع بالعكس انا بغني فى فنادق كبيرة وعمري ما اشتغلت في ملاهي ليلية خالص . انت متهم باقحام اخوك احمد في الغناء ؟ لا احمد بيغني احسن منى- انت ليه بتنتج لنفسك ؟عشان بكسب اكتر تفتكر فيلم قشطة يابا لم ينجح لماذا ؟ كلنا كنا سيئين وليه تدخل فيلم مجموعته سيئة ؟ من اول اسبوع طلبت من المنتج انه ياخذ فلوسة كاملة ويعطينى مادة الفيلم اقطعه بس لم يوافق وقال انه عايز يكمل لماذا لم تمثل ثاني ؟ انا بس عايز اتأنى فى اختياري .بس انت قولت انك داخل فيلم مع هند صبري اسمة (رحلة نور)وهند صبري انكرت ذلك ؟ انا لسه بدرس الموضوع لانه من انتاجي ... وهند صبري لسه مرشحينها .... قولي شئ واحد يجعلنى اخرجك من هنا ؟ اني عندش شغل ولازم اروح .... - قررنا اخلاء سبيل الفنان مصطفى كامل بضمان عمله وجمهوره