عرض برنامج القاهرة اليوم تقريراً مصوراً حول ازمة تلوث المياه فى القيوبية واصابات التيفود الجديدة التى ظهرت فى قرية بنى تميم بعد اصابة المئات خالا الاسابيع الماضية فى قرية البرادعة ، واستعرضت كاميرا البرنامج عدد من حالات المواطنين اصيبت بالتيفود او الفشل الكلوى بسبب تلوث المياة ...مما دفع عمرو أديب ليعلق غاضبا بقوله : ليه مابترفعوش قضية على الحكومة ، اللى لقى بنته عندها فشل كلوى واللى حصل مشاكل صحية جرجروهم فى المحاكم ....ارفعوا قضية واطلبوا من الحكومة ملايين ، روحوا فلسوا الحكومة ، شوفوا الوزير المسئول ويتحاكم ، فين منظمات حقوق الانسان وكفاية وغيرها ؟ هاتولهم محامين محترفين ولو بنسبة ؟ الحكومة لازم على الاقل تلتزم انها تعالج الناس دي .. فى الاخر يقف وزير الاسكان أمام الرئيس ويقول له المياه بتاعتى نضيفة ياريس ..يعنى هو شئ فخورين بيه أوى انكم بتجيبولنا مياة نضيفة ؟ الناس اللى اتبهدلت دى مين يتحاسب ؟ فى اخر التحقيقات طلع مفيش حد غلطان الا الناس !!! على الهاتف قال المستشار عدلى حسين : منتظرين تحقيق النيابة ينتهى وهو حتى الآن لم ينتهى والتحقيق توسع شويةالمشروع الذى تقوم به شركة المقاولين العرب عليه مشاكل يتم تسويتها ، اما كيفية اصابة 430 واحد من البرادعة فالروايات التى وصلتنا كمحافظة أنا اللى ابلغت بها النيابة لتحدد المسئول وأضاف : عاجنا كل الحالات فى 4 مستشفيات حكومية وصرفت لكل فرد اصيب 500 جنيه لشراء ادوية اضافة الى العلاج الحكومى ، والموضوع انتهى من اسبوعين واعتقد ان النيابة على وشك اعلان النتائج مشكلة البرادعة الان اطلاق المياة ، النيابة أذنت باطلاق المياة فى الشبكة القديمة ، واحنا طهرناها وشغلناها وطلعت صالحة للشرب الادمى ** الناس دي كانت بتشرب منين ؟- من ابار ارتوازية ؟ - ** وقت الاحداث ؟- عربيات فناطيس تابعة للجيش وللمحافظة وبعض اعضاء مجلس الشعب تنقل الماء النظيف للناس ...وانا منتظر النيابة تأمر رسميا بفتح المياه فى كل المحابس ...
المشاركات
ليست هناك تعليقات:
إرسال تعليق