في بداية برنامج (القاهرة اليوم) وجهت آمال عثمان التحية للنائب العام على قراره باعادة تشريح جثة خالد الشاب السكندري الذي توفي قبل ايام بعد تعرضه للتعذيب بينما أكدت وزارة الداخلية أنه توفي نتيجة ابتلاعه لفافة بانجو .وقالت أمال أن قرار النائب العام يطمئن الناس على اولادهم حتى لايتعرض لهم أحد في الشارع مرة أخرى ، وحتى لو كان خالد تاجر وليس مدمن فلايستحق ماجرى له وواضح من اللجنة التي شكلها النائب العام أن خالد تعرض للعنف وهناك شئ مريب في الموضوع ولانستطيع ان نقتنع ان القضية بهذا الشكل والام غيرت اقوالها امام نيابة الاستئناف وقالت انه لايتعاطى المخدرات.وقال عمرو أديب : من يوم السبت الماضي كان لنا طلب واضح وهو ان تكون هناك جهة مستقلة تعيد تشريح جثة خالد وهاهو النائب العام يصدر قراره الاخير..وسؤالي الآن : هنطلع الجثة ونشرحها إما يكون خالد قتل على ايدي المخبرين فعلا وفي هذه الحالة يجب أن يحاسب أناس كثيرين على رأسهم الناس اللي قالت ان الراجل ده حط البانجو في زوره ، والمخبرين دول آخر حلقة.. ولو الموضوع طلع كده يبقى على الدنيا السلام ويجب أن تتم محاكمة واشياء كثيرة جدا ، هذا لو كان قتل.الحالة الثانية أن تقول اللجنة الثلاثية أن كلام النيابة والطبيب الشرعي سليم وفي هذه الحالة وحدش هيصدق وهذا بلد بقالنا فترة في حالة فقدان ثقة بالكامل ، هل لو قالت اللجنة ان بيان الداخلية صح وتقرير الطب الشرعي حد هيصدق ؟ ابداً ماتفرقش اذا كان تاجر مخدرات ولا جاسوس اللي بيعاقب القضاء والشرطة مجرد جهاز ضبط ولو حصل يبقى الشرطة والنيابة والطب الشرعي قرروا حاجة غير حقيقية وقرار النائب العام شجاع وبيحطه في مواجهة ، والنهارده البنت بتاعة فرشوط اللي اغتصبت واهلها بيبكوا دم القضية بتتأجل علشان المحامين مضربين !هنثق في مين ؟ القضية اننا مانقدرش نجيب حكم من المانيا ولو قررنا مثلا نجيب للشاب ده اطباء شرعيين من انجلترا طيب والحادثة اللي بعد بكرة واللي بعد بعده ؟ فيه فقدان ثقة ....محدش هيصدق قرار اللجنة لو قالت ان خالد مات مخنوق ...هتقولولي اني عامل زي غراب البين ...القضية دي مافيهاش انقسام في الرأي العام وأغلب الناس شايفين ان الواد اتقتل وده الأغلب ، ولو طلعت اللجنة تقول ان الشاب لم يقتل الراي العام لن يصدق ....وهذا الوطن لم تعد فيه سلطة أخيرة الناس تثق فيها ....والناس بتشكك في ذمم القضاة الان ، وبيقولوا القاضي يحكم بمايراه وعفوا القاضي في الخارج اله ، فما هي المرجعية في مصر ؟ النائب العام خد قرار شجاع جدا وقال الجثة تستخرج في وجود أهله ، ولكن الثقة انهارت واصبحت هناك عداوة بين المحامي والقاضي ، والمحاكم اصبحت خالية من المحامين والناس بتغتال مرتين في مصر الآن مرة لان مصالحها بتقف ومرة لأنهم بيقتلوا الثقة في كل شئ ، القاضي طول عمره نصير العدالة العمياء ، ليه بتعملوا كده وايه المكسب وفين في اي بلد المحامي عامل حصانة ؟ انا كمان عايز حصانة ...اسال سؤال على التليفون ..عبد المجيد محمود النائب العام راجل محترم جدا ومابيخافش من حد وانا ماعرفش اتكلم بصراحة زيه ...ولايخشى في الحق لومة لائم ، وهو قام بشئ عبقري وحول القضية للاستئناف ولجنة من الطب الشرعي ...ولو حصل ان خالد اتقتل هنعرف ان النيابة والطب الشرعي ممكن يغيروا كلامهم لو اصدرت النيابة تقرير ان الولد لم يقتل ...ايه رأيكم ؟في أي دولة في العالم بيودوا الجثة للطب الشرعي ولو حصلت قسوة بيحاسبوا السبب ولكن عمرهم مابيقولوا طيب مانشوف تاني ..!!! نحن لانثق في أحد ...انا عايز اخش لوكيل لنيابة بتاعي وانا مطمئن ، وعايز اتعامل مع المحامي وهو بلاحساسية مع القاضي ..والمحامين معتصمين والبنت بتاعة فرشوط مستنية اللي يرجع لها حقها ...ازاي ادخل قدام قاضي ولا وكيل نيابة ...لخلخة ضرس الثقة في مصر هندفع ثمنها غالياً .
البشاير
المشاركات
ليست هناك تعليقات:
إرسال تعليق