الجمعة، 16 أكتوبر 2009

عمرو أديب: أعمل إيه علشان أرضى واحدة ست ؟!!


دارت فقرة اسألوا رجاء التى تقدمها الفنانة رجاء الجداوى وعمرو اديب عن سؤال يتعلق بمطالب المرأة وكيف يرضيها الرجل وقال عمرو فى البداية : أعمل ايه علشان ارضيكى ؟ ايه اللى ممكن يرضي واحدة ست ويخليكى تنشكحى وتبقى مبسوطة منى ؟ سؤال بسيط جدا ولكن صعب جداً انا منتظر مشاهدات يتكلموا عن ايه اللى ممكن يرضيهم ، سيدتى اتصلى واخبرينا بمايرضيكى الرجالة سهلة الارضاء جدا ويمكن مالهمش طلبات رد عزت : علشان ترضيهم لازم تبقى خروف حولى مش خروف عادى ، تلاقيه مدلدل دماغه على طول وطبعا كتير من الرجالة مش هيرضوا يعملوا كده !!!قال عمرو : ايه اللى يرضي المرأة العربية ...؟ مش عايز لسته ولا خيال علمى عايز اعرف ايه اللي يخليكي هادية ولطيفة ....ماتقوليش يحبنى ولا يبقى مخلص او يبطل كذب ، هو كان بيكذب ولا بيخون ؟ ترد تقول لك ما اعرفش اضاف عمرو : كام مرة كزوج شفت فى عينين مراتك نظرة الرضا ؟ اكيد مثلا يوم الفرح كان فييه نظرة رضا بسيطة وبعدين نظرة رضا كبيسة وواحدة يوم عيد ميلادها نظرة مشوبة بالحذر ....لماذا يصعب ارضاء المرأة بينما الرجل يسهل ارضاؤه ؟!!المخلوق الوحيد فى الكرة الراضية بعد النملة فى الارضاء هو الرجل


ليست هناك تعليقات:

إرسال تعليق