كان نجوم مسلسل ابن الارندلى ضيوفا على برنامج القاهرة اليوم ماعدا الفنان يحيي الفخرانى الذى رفض الظهور فى البرنامج ، واضطر عمرو لتصوير الحلقة بباقى فريق المسلسل بدون الفخرانى وقال عمرو اديب مفسراً غياب الفخرانى : أن من عادة النجم الكبير الايظهر للاعلام الابعد انتهاء العمل ...
قالت المخرجة رشا شربتجى : الحاجة الحلوة فى ابن الارندلى انه تجربتى الثانية فى مصر ، وفرحت لما عرضوا علي العمل وقرأت ورق جميل كاتبه وليد ، ومعانا كاستنج رائع .وقال وليد يوسف مؤلف المسلسل : كل مشهد فى المسلسل عشته وعشت نجاحه وانا فخور بالعمل مع يحيى الفخرانى وقالوا انى حطيته فى المساحة التى يحب اللعب فيها ، وهذا ماحدث بالفعل صال وجال وقالت معالى زايد : لما اشتغل يبقى فيه عمل يعمل ضجة ودور استمتع بيه وانا كنت مرشحة لدور دلال عبد العزيز ولكن لما شفت دولت ماعرفش ازاى شدتنى ، الست العانس دى اللى ماتجوزتشى وشخصية لها قصة وهو دور فى منتهى الصعوبة وكان عايز مايسترو زى رشا شربتجى .انا كنت قلقانة فى الاول لكن لما لقيت رشا عرفت انها ممكن تاخد منك الاحساس اللى هى عايزاه وبرقة وشياكة .
وقال يوسف داود : الدور ده انا رشحت له ولكن كنت مرشح لدور تانى لكن الاستاذ يحيي قال لأ يوسف يلعب دور نوح ...أنا اتاخدت من دور لدور والمخرجة رشا والفخرانى لهم الفضل ان نوح يطلع بالطريقة دى ، تعب فى كل مشهد ونقعد نعمل بروفات وتعب تعب جامد لغاية مانيجى نقول المشهد يتقال تقليدى جداً الراجل ده انا عملت معاه فيلم الذل وعلى بابا واستمتعت بلقائه فى الارندلى ...
وعن تشابه العمل مع فيلم الذل قال المؤلف لسه فيه 13 حلقة فى المسلسل ..وقال النجم محمد لطفى : الشخصية دى ماعملتهاش قبل كده ، والورق عجبنى جداً وكان مكتوب كويس وبتوجيهات المخرجة رشا شربتجى الدور نجح ووصل للناس ...وقالت الفنانة رشا امين انها سعيدة بالعمل مع كوكبة النجوم واستفادت من التجربة ،وان الدور اعجبها كثيراً
البشاير
المشاركات
ليست هناك تعليقات:
إرسال تعليق