قالت الفنانة شيرين خلال إستضافتها ببرنامج " صباح الخير يامصر " أن تقديمها شخصية هناء اللهلوطى فى بيت العائلة هو دور جديد عليها " .وقالت " انا كنت بحس فى المسلسل ده بأن دى شخصيات موجودة فى الحياة ،وانا بحاول اغير من الشخصيات اللى بقدمها ،بعد ما الناس عرفتنى ، واتعودت عليا ،وعندى حاجات كتير جداً ، مش مهم الدور حجمة إيه ، مش لازم أكون بطولة من الجلدة للجلدة ، بس يكون دور يشبعنى ، وانا إشتغلت مع فنانيين كبار ، فؤاد المهندس ، جورج سيدهم ، سمير غانم ،عادل إمام ، محمد صبحى ، عبد المنعم مدبولى ، عدلى كاسب ، محمود المليجى ". شيرين قالت " أنا مقتنعة بالأدوار اللى بقدمها ، وانا ربنا بيكرمنى وواخدة حقى ، ومش بغير من حد فى الحياة ، ومش بحقد ولا بحاول أخد دور حد ، ولو اتعرض عليا حاجة حلوة بوافق على طول ،واحداث المسلسل شدتنى جداً ،لأنى بلعب دور رقاصة ، وانا راقصة بالية فى الأساس ،لكن انا فى الحقيقة ما اعرفش أرقص ، وما أنفعش اشتغل رقاصة ،وربنا يكون فى عون اللى بيشتغلوا الشغلانة دى " .وتابعت " انا ما غيرتش إتجاهى فى الفن ، لكن الفنان بينوع الأدوار علشان يقدم رسالة معينة ،وفى الدور بتاع " زهرة برية " ، هى رقاصة واتجوزت واطلقت واتجوزت واحد تانى واطلقت وعاشت حياتها محرومة من بنتها ، وانا كنت مستمتعة وانا بعمل دور زهرة برية ، وكنت فرحانة وانا رايحة أصور ". شيرين قالت " انا مش بقدر اتابع كل المسلسلات ، لأن عندى حاجات تانية لازم اعملها ،وانا بقدم دور جديد فى الست كوم ، ودى مش أول مرة اشتغل مع محسن أحمد ، وهو عنده أسلوب متميز ". وعن السينما قالت " كان فيه أفلام حلوة كتير فى السنوات اللى فاتت ، لكن انا ما لم تعرض عليا ادوار ، ومش ممكن اطلع فى دور بنت فى ثانوى ،وانا ما انفعش فى السينما الشبابية ، ودلوقتى السينما هتقلب رمانسية بدل الكوميدية ". وعن الغيرة الفنية بين الجيل القديم والجديد قالت " فيه فعلاً حالات كدة ،وممكن تلاقى فنان كبير بيزعل لما يلاقى الجمهور مش مبسوط منه زى زمان ، والمفروض ان الشباب بيتعمل من الجيل القديم ،واللى مالوش ماضى مالوش حاضر ".
المشاركات
ليست هناك تعليقات:
إرسال تعليق