فنان العرب : لااسمع عبدالحليم وألعب قمار

استهل عمرو اديب الحوار الذى اجراه مع محمد عبده بقوله : النهارده عندنا فنان العرب محمد عبده واقول لجيل عمرو دياب وتامر ارجوكم اتفرجوا على الحلقة دى هتشوفوا فنان عبقري وبيتكلم فى كل حاجة حلقة ممتعة النهاردة حتى نهايتها قال محمد عبده : فتحنا الباب لمايسمى الاغنية الخليجية وفى هذا الوقت كانت مصر مغلقة على ثقافتها وتتشوق ان تسمع خليجىبدليل لما جاء فهد بلان وغنى اشياء كثيرة مختلفة ونجح ، كان هذا علامة على ان الاذن المصرية متشوقة تسمع شئ مختلف ، ثم جاء الغناء السعودى الى مصر ونجح لأنه مختلف على الذن وربما لأنه قريب من لهجة الصعيد فى مصر ، ولهذا يسموننى قطر الصعيد فى مصر ** ليه فيه اغانى بتعيش واغانى بتموت ؟ زى مركب الهند اللى ناجحة وعايشة للآن ؟- فيه اغانى كانت محطات ولأن فكرة الابداع من القلب وهذا لايتأثر بالتطور التكنولوجى الكبير ، ولما يقل الابداع وتكثر التكنولوجيا طبيعى يبقى فيه اغانى زى الانفجار لكنها لاتعيش ** فكرة انك تقعد تغنى 7 او 8 ساعات ..ازاى ؟ فيه ناس بتخرج من حفلتك الساعة 9 الصبح ؟- انا باغنى فقرتين واحدة من ساعتين الى ساعتين ونصف ثم فقرة 3 ساعات ، والمستمع بييجى فى الصيف ومتأخر وبيروح يتعشي وينبسط مع اولاده ثم يأتى الحفلة ** مين مطرب بيغنى 5 ساعات ؟- انا الوحيد الآن ولامطرب اجنبى او عربى يستطيع ان يغنى هذه الفترة وعن حق المرأة فى قيادة السيارات قال : اذا سمحت الحكومة فأول من سيسوق بناتى وانا مع قيادة المرأة للسيارة ومفيش بنية اساسية لسواقة المرأة فى السعودية وانت محتاج الى رمعاهد لتدريب السيدات ومراكز خاصة وجنود خاصة لمرور السيدات وورش خاصة بالسيدات ، مش بس تمسك عربية وتسوق كده ده قرار صعب جداً ، وكلنا عارفين ان المرأة السعودية فى الصحراء هى اللى بتسوق العربية بين الخيام** كمواطن سعودى هل انت قلق على مستقبل المملكة العربيةالسعودية ونضوب البترول ؟- ابداً والبلد اللى ماتكون غنية بشبابها وناسها هذا هو المورد الحقيقي للبلد ، واليوم برميل البترول لو وصل الى 140 دولار انت بتاخد زجاجة اللتر ب7 ريال ، والبرميل فيه كام لتر ...؟ المملكة كانت رائدة فى صناعة مياة التحلية واليوم تأخرنا فيها جداً ولازم نعلم اولادنا كيف يصنعوا معدات التحلية هذا قلقى الاساسي على السعودية خصوصا ان الاسرائيليين اخذوا مناطق استصلاح زراعى كبيرة فى تركيا ولأنهم يحتاجون الى المياة وعن عبد الحليم حافظ قال : فترته واكبناها كشباب وكنا نسمع الاسطوانات ، وانا من هواة الطرب الشرقى العميق وعبد الحليم مرحلة من مراحل تطور الغناء الحديث المنفتح على اوروبا اكثر ، اسمع عبد الحليم ولكن ليس كل انتاجه ، عكس عبد الوهاب وام كلثوم ، لكن مرحلة عبد الحليم انفتاح شبابى وتحول الاغنية العربية الى الغربية ، وهى مرحلة انتقالية بين القديم والجديد ** هل انت اغنى مطرب عربى - بالنسبة للثروات لا امتلك كاش لكن عندى شركات ولا احتفظ بالفلوسش ودائما افتح وصانع مثل مصنع تغليف المواد الغذائية ولا احب الاحتفاظ بالكاش فى بنك ، اتاجر مثلا فى العقارات ... واهو فيه بيوت تنفتح وناس تشتغل ، لكن اللى بيشتغل فى البورصة والاسهم بيكون عنده نزعة قمارجية ، وانا ارى ان البورصة والاسهم قمار ..اول مرة فى حياتى لعبت قمار ماكنت اعرفه وكنت فى بيروت وخدونى علشان يورونى عرض رائع على المسرح ، وبعد انتهاء العرض خرجنا فى صالة كبيرة وكان اول مرة اغادر السعودية ووقفت عند طاولة كبيرة ملموم عليها ناس وفيها عجلة بتدور ( الروليت ) واحد قاللى تلعب لعبت بفيشتين وقاللى ارميها على المائدة ورميتها وكسبت حوالى 750 ليرة ، وكان الدولار ب2 ليرة ونصف