«اليتيم مش يوم 1/4.. اليتيم طول السنة».. أوشك شهر رمضان على الانتهاء ومعه استعد حزب «شباب الثورة» إلى ترك السياسة والاهتمام بالأطفال، ولهذا أصر شباب الحزب على بدء فاعليتهم لكساء الفقراء والأيتام فى ظل الظروف التى تشهدها مصر من حالة ركود اقتصادى.
الأعياد تدق الأبواب وما زال هناك من لا يستطيع كساء أولاده، لذلك تطوعت أمانة تنمية المجتمع بحزب «شباب الثورة» لحصر عدد من دور الأيتام التى لا تهتم بها الدولة أو المقامة على أطراف المدينة لإرسال التبرعات العينية للأطفال بفعالية.. «فرّحهم.. وافرح معاهم».
«التبرعات عينية فقط».. شرط من شروط الحملة التى لا تقبل سوى ملابس جديدة وترفض المستعملة، ويوضحها أيمن هيكل وكيل مؤسسى الحزب: «إحنا مش فريق بييجى كل سنة يلم فلوس من الناس ويا عالم هى رايحة فين، إحنا فضّلنا إن كل إنسان يشارك بلبس بشرط يكون جديد عشان ابنك مش أقل من اليتيم».
موقع التواصل الاجتماعى «فيس بوك» هو أحد الوسائل التى يؤكد «هيكل» أنها أسرع فعالية لحصر عدد المتطوعين والمشتركين فى الحملة: «التواصل مع الناس على العالم الافتراضى سهّل علينا كتير، بيجيلك مكالمات من كل محافظات مصر عشان تتبرع، وإن شاء الله قبل نهاية الشهر الكريم هنكون استعدنا بقوة للفعالية»، الحملة تعاقدت مع 3 دور أيتام فى أمسّ الحاجة للمعونة، 2 منهم فى منطقة مدينة نصر وأخرى فى منطقة المقطم، ويتابع هيكل: «المرة اللى جاية هنحاول نوسع الدايرة بس إحنا محتاجين نخلى الدور دى تقف على رجلها».
الخطوة القادمة لفعالية: «فرّحهم وافرح معاهم» هى التعاقد مع مستوردين للعب الأطفال حتى يكون لكل طفل «لعبة وهدوم جديدة عشان فرحتهم تكمل».
المصدر الوطن
المشاركات
ليست هناك تعليقات:
إرسال تعليق