مفيش بنت مش عايزة تتجوز دي حقيقة لازم كلنا نعترف بيها... وبرده مفيش راجل مانفسهوش يتجوز ويحس ان فيه واحدة بتهتم بيه وترتب له حاجته وأكله والكلام ده اللي بنسمع عنه في اساطير الاولين دي كمان حقيقة.
وبم ان كل بنت عايزة تتجوز وكل راجل عايز يتجوز يبقي احنا عندما مشكلة حقيقية في التواصل بين الاثنين! والحل ايه احدي المدونات تناولت الموضوع كما يلي:الناس القديمة: بتقول.. زمان الراجل كان يدخل بيت البنت إلي تعجبه يقرا فاتحة من أول قعدة والمرة التانية يلبس شبكة والمرة التالتة كتب كتاب وفرح.. لكن دلوقتي البنات بتدلع وعايزة رجالة من كوكب تاني والرجالة عايزة بنات كاملة الأوصاف.والحل اتجوزي ومدقيش وبكرة هاتتعودي علي المعيشة معاه لانه كله بييجي بالعشرة الطيبة.الناس ولاد الاصول: بتقول المشكلة الحقيقية ان الناس بقت تبص بره زمان الواد لازم ياخذ بنت عمه أو بنت خالته أو جارته أو زميلته في الشغل لكن دلوقتي الولاد والبنات بيقولوا علي القرايب انهم اخواتهم ماينفعش يبصولهم فلازم ناخد من بره ويصبح زي اللي بيدور علي ابراه في كومة قش وياعالم اللي هايتجوزه ده ليه اصل وفصل مع احد من الشارع.الحل: لازم اللي يفكر في الجواز ياخد حد عارف اصله وفصله ويكون عارفه ومايكونش غريب.. ياريت يرجع تاني جواز القرايب.الناس المعقدة: بتقول قعدة الخزانة ولاجوازة الندامة, أوعي يابنتي تتجوزي غير دكتور أو مهندس أو مدير شركة علشان الناس كلها تتكلم عن جوازتك وتحسي بقيمتك بين الناس.الحل: اتجوزي اي دكتور أو مهندس يتقدملك ومايهمكيش الشكل أو الغني اصل مستقبلهم مضمون وكده كدا شغلهم بياخد كل وقتهم يعني حتي لو طلع تييييت مش هايزعجك غير ساعتين ولاتلاتة في اليوم. أهم حاجة بس ييجي يلاقي أكله وفرشته جاهزين ولاد رايقين: لازم البنت اللي اتجوزها اكون ماشي معاها علي الاقل سنتين علشان اكون ضامن انها مامشيتش مع حد غيري قبلي. بنات رايقة: لازم اتجوز واحد احبه ونعرف بعض الأول وبعدين يبقي ييجي البيت.النصائح كتير والكلام اكتر بس اكيد ماحدش حاسس بالمأساة دي غير اللي عيشينها يعني البنت والولد لو كانوا شافوا اللي شفناه كانوا كرهوا الجواز علي اللي عايز يتجوز.في احيان كتير لفكر ان اللي بيحصل ده رحمة من ربنا لان عددنا زاد علي80 مليون ولو الجواز كان بسهولة زمان كنا بقينا دلوقتي فوق100 مليون نسمة.في احيان تانية بافكر ان اللي احنا فيه ده عقاب من ربنا لاننا خالفنا الشريعة وقول سيدنا محمد صلي الله عليه وسلم اذا جاءكم من ترضون دينه وخلقه فزوجوه إلا تفعلوا تكن فتنة في الأرض وفساد كبيرا.مي حسن
المصدر : الاهرام المسائي
المشاركات
ليست هناك تعليقات:
إرسال تعليق