أنا ما بقيتش فاهم حاجة.. ماهو يا أما أنا غبى ياما همه فاكرننى غبىباكلم صديقى إياه ع النت ع الفيس بوك وباقوله أنت فين قالى أنا فى الميدانقلتله تمام.. ايه الجديد بتعمل إيه هناك؟ قالى معتصم.. قلتله عال هايل.. خير ليه بقه معتصم ؟ عاوز أعرف عشان أشاركك الاعتصام نورنىقالى عشان الثورة لازم تكتمل عاوزين حق الشهداء والعدالة والحرية قلتله عاوزبن العدالة والحرية ولا الحرية والعدالة حدد لو سمحت.. قالى ماتفرقش قلتله لا تفرق كنير يا حبيبى.. المهم طيب شعاراتكم إيه؟ قاللى يسقط يسقط حكم العسكر.. قلتله انتوا بتوجهوا الكلام ده لمين؟ قاللى للمجلس.. قلتله مجلس الشعب؟ قالى لا المجلس العسكرى قلتله الله أمال انتخبتوا مجلس الشعب ليه؟ مش المفروض دلوقتى أى طلبات تتوجه للنواب اللى احنا انتخبناهم وهمه يصعدوها فى المجلس ويحققوا رغباتنا ويشرعوا اللى احنا عاوزينه؟.. قالى هو مجلس الشعب ده حيعرف يعمل حاجه لازم الميدان يضغط على المجلس العسكرى عشان يلبى طلباتنا.. قلتله أمال إحنا انتخبنا الناس دى ليه؟؟ سكت.. ماردش .. قلتله مش إحنا انتخبناهم عشان تبقى فيه شرعية.لمطالبنا.. قالى ما هو محدش بيعمل حاجة وإحنا اتعودنا على كده .. والمجلس العسكرى مابيعملش حاجة إلا بضغط الميدان.. قلتله أنت جربت البرلمان؟.. جربه ده لذيذ اوى.. ههههه.. على فكره أنت اللى انتخبته.. قالى اتخاب ايه ده البرلمان اتسلق اتكروتنا مالحقناش نختار اللى احنا عاوزينهم وماعملناش دعايه للى عاوزين ننتخبهم بجد ..قلتله بس ماتنكرش إن الانتخابات مش مزورة.. قالى فعلا هى مش مزوره على الورق لكن التزوير فى فكر الشعب والتوجيه والدعاية والتخويف وحاجات كتير بتسوق الشعوب التزوير على فكره مش حبر على الورق بس قلتله معلش بس دى النتيجه اللى اختارها الشعب ماتوجهوا الطلبات لمجلس الشعب ..قالى ولا حيعمولوا حاجة.. قلتله جميل انتوا وجهوا المطالب لمجلس الشعب ولو ماعملوش حاجه يبقى كده كشفتوهم أدام الشعب وممكن تثوروا عليهم وتحللوا مجلس الشعب زى ما حليتوا اللى قبله بالثورة ولو مجلس الشعب استجاب لطلباتكم وطلب من المجلس العسكرى تنفيذ طلباتكم والمجلس العسكرى مانفذهاش يبقى كده كشفتوا المجلس العسكرى أمام الشعب بانه مش مؤيد للثوره .. وساعتها الشعب كله حيقف معاكم لانكم اتخذتكم الطريق الشرعى ..سكت صاحبى وماردش ياريت انتوا تردوا عليه وتقولوا رايكم .. عشان عاوز اعرف مين العسكر ومين الحراميه .. ونبطل بقه ننافق اللى فى السلطه نبطل نلعب كيكا ع العالى.
المصدر : اليوم السابع
المشاركات
ليست هناك تعليقات:
إرسال تعليق